حزب النهضة شهر حزب الزبلة في الأوساط الواعية لعب كارطة رابحة هو وحزب العميان في الإنتخابات ألا وهي الهوية !
وبطبيعة بما أنها كارطة رابحة ودجيب نتيجة مش مستعدين اسلموا فيها لثنين :
البرنوصي من شيرتو يمغض فيها كيما اللوبانة وحاطتها حتى على كتافو وساعة ساعة يجبدها في جملة تقولشي مقتبسة من الكتاب الأخضر لسلفه الصالح القذافي رحمه الله كيما نهارت إلي قاللكم لا أحد يقدر أن يتزايد عليا في الحداثة ....حداثتي هي هويتي وهويتي هي حداثتي !!!؟؟؟؟!!!!!.ومن شيرة أخرى حزب الزبلة وفي رواية أخرى حزب الحبلى، ومذبية نغتنم هى الفرصة باش نحمد ربي إلي أنا من جماعة عنقني مش حبلني ولا زبلني، يمرك فيها بذكاء نسبي ذو دهاء ينطلي على عامة الشعب إلي كذب عليه زعبع وقالوا راك بلغت درجة كبيرة من الوعي (يعطيك وهف يا مخلوع كيف طلعت كذاب حتى في هذي ) ....
كفاش عاد يمرك فيها بذكاء نسبي ؟ حزب المدبية توا مدخل ترينو في مخ التونسي البسيط إلي توا ولا محلل سياسي، بمزج مصطلح الهوية مع الشريعة: بما اننا عرب ومسلمين لازمنا إنطبقو شرع ربي !!!! ويكون مفعول هذه الجملة تأجيج الأحاسيس الدينية داخل التونسي المسلم البسيط الحساس بطبعه، إلي بطبيعة كيما برشة توانسة يعاني من كسل ذهني، وفي رواية أخرى عندو جرانة مقيلة في طاسة مخو، ويولي اعاود فيها ويطالب بيها وتولي مطلب شعبي بقدرة قادر يجب التنصيص عليه في الدستور !!!!!!
التونسي هذا بالطبيعة لا يسأل نفسه بعض الأسئلة التي يجب طرحها :
السؤال الأول : شنية الشريعة قبل كل شي صنيعة ولا خليقة ؟ الكتاب الوحيد يا سيدي إلي هو خليقة هو القرآن ...الشريعة صحيح مستمدة من القرآن لاكن هي بيدها تفسير وتأويل واستنتاجات للإنسان دونك صنيعة!!! واللي اقول تفسير وتأويل للإنسان ميقولش صدق الله العظيم. ونزيدك يا بابا: الشريعة فيها قراءات عدة واختلافات عدة من مذهب لمذهب ومن شيخ لشيخ ومن تاجر دين إلى تاجر دين ! ونتي وعمك البترودولار وين يلقا مصلحتو !!! كيما في السعودية فتاولهم باللي الإحتجاج حرامٌ شرعاً ! أما في سوريا فعمك القرضاوي قاللهم حلال محلل (عرفتو القرضاوي؟ هذاك إلي قال وقت ليبيا بدات تاكل في بعضها لو شهد الرسول صلعم الناتو لتحالف معهم!)
السؤال الثاني : أناهي شريعة باش إتنصصو عليها في الدستور : شريعة الصادق شورو إلي قاللكم المعتصمين أعداء الله ويجب قطع اطرافهم، قتلهم، أم صلبهم؟ ولا شريعة القرضاوي إلي خنزير قطر، وأمريكيا وإسرائيل إوشوشولو وهو يفتي؟ ولا شريعة السلفيين إلي يرعبوا فيكم وفي اللخر طلع سلفهم الصالح عبدالله قش، والمنقبات متاعهم شطرهم حبالى من غير صداق ؟ وإلا شريعة آيات الله الخريجي إلي لا يزي قال ثقتي بالله أولاً وبن علي ثانياً في الماضي البعيد وزيد قال في الماضي القريب لن نجرم التطبيع في الدستور ؟ أية خطار أخي المواطن ولو انو لا في الخرا خيرا !!!
السؤال الثالث : هل كانت الشريعة مصدر من مصادر التشريع لدستور 59 ؟ ولا حسب الجرانة إلي في مخك كان دستور كفار ؟ أية سيدي بوك ومك عرسوا حسب الشريعة والتوانسة يقسموا في الرزق حسب الشريعة ويطلقوا حسب الشريعة ويعيدوا العيد لكبير وصغير حسب الشريعة ويحجوا حسب الشريعة إلخ .....
السؤال الرابع : كنت كافر سياتك قبل ما يطلع البدر عليكم ؟ بوك وأمك كفار كانوا ؟ مماتك وعزيزك ماتوا كفار ؟ ولا تحب تدخل ودخلنا دين الغنوشي وما تمارس إسلامك إلا بفتوى دقيقة منو إنت وهاك الجرانة لمقيلة في مخك ؟
كلاوك في الإنتخابات إلي فاتت بلوغة الهوية، وباقي ما شعفتش واحد دافي في قرطاج لخرين مدفينهم المناصب الوزارية ونتي عريان وحفيان وبطال ومش حاسبينك في القضايا الإستعجالية و باقي إلي إقولوه تنهق بيه يا بهيم يعطيك دنيا قالوا شريعة إسلامية !!!!!
