samedi 7 juillet 2012

إلى سيادة فقيس الجمهورية


إلى سيادة فقيس الجمهورية المؤقت (إلي فقصلي مرارتي) ايجا نحكيلك على وحدة من جماعة 9 أفريل إلي قضا عليهم غرة ماي كيما قلت انتي 

أنا من جماعة 14 جانفي والقصبة 1 واللي ما ساندتش القصبة ثنين خاطر شميت فيها ريحة شياط النهضة وما كنتش موافقة على المجلس الطفسيسي وعرفتو خراب صافي. أنا زادة من جماعة أعتقني ضد العنف الممنهج متاع أنصار الترويكا إلي تحكي بسم الدين !!!! أنا من جماعة 20 مارس والإحتفال بذكرى الإستقلال التونسي إلي انصارك موش مستعرفين بيه (أما مستعرفين ب4 جويلية متاع مما أماريكيا) أنا من جماعة 9 أفريل إلي قالوا للنهضة شارع الحبيب بورقيبة موش ورثة بوك أما متاع الشعب وأنا من ساندت الإتحاد في واحد ماي ...واحد ماي إلي ركبتو عليه وقلنا ميسالش!!!!!
أنا إلي كيف نغزرلك تحكي انرا في رئيس عاجز اغطي في عين الشمس بالغربال رئيس ولاؤه للكرسي وليس لتونس، كرسي جعل منه عبداً لتجار الدين عفسوا فيه، تجار دين عاملين حكومة تسري في عروق تونس كيما السرطان وتاكل في المؤسسات متاعنا شيئاً فشيئاً!!!! أنا يا سيدي وأمثالي الشيميو تيرابي إلي باش تقضي على هى السرطان إلي باش ياكلنا بحشيشنا بريشنا كان ما نعملو شي!!!
وتو ما تبقالي نقلك كان بسلامة بسلامة بسلامة!!!!!

Aucun commentaire:

Enregistrer un commentaire